Doktor Nadeem Raxmonning “EZGU NIYAT” klinikasiga tashrifi

Bugun “EZGU NIYAT” klinikasida nufuzli mehmon — doktor Nadeem Raxmon mehmon bo‘ldi. U — xalqaro tajribaga ega bo‘lgan yuqori malakali anesteziolog-reanimatolog hamda sog‘liqni saqlash sohasidagi yetakchi mutaxassisdir. Uning faoliyatiga AQShdagi mashhur Cleveland Clinic hamda uning Abu-Dabidagi (BAA) filiali — Cleveland Clinic Abu Dhabi kabi nufuzli tibbiyot muassasalaridagi ish tajribasi kiradi. Hozirda u ushbu klinikaning intensiv terapiya instituti raisi lavozimida faoliyat yuritmoqda.

Tashrif doirasida doktor Raxmon “EZGU NIYAT” klinikasining infratuzilmasi va imkoniyatlari bilan tanishdi, asosiy bo‘limlarni ko‘zdan kechirdi va rahbariyat hamda mutaxassislar bilan mazmunli uchrashuvlar o‘tkazdi. Uchrashuv chog‘ida klinika rivojining istiqbollari, xalqaro standartlarni joriy etish, kelgusidagi hamkorlik va tajriba almashinuvi formati muhokama qilindi.

Uchrashuvda tibbiy xizmat sifati oshirilishi, intensiv terapiya va anesteziologiya sohasida kadrlar salohiyatini rivojlantirish, shuningdek, zamonaviy klinik protokollarni amaliyotga joriy etish kabi masalalarga alohida e’tibor qaratildi.

«Bugungi tashrif menga O‘zbekistonda xalqaro standartlarga javob bera oladigan, kuchli va ambisioz tibbiy markazlar shakllanayotganini ko‘rsatdi. Men hamkorlik va qo‘shma tashabbuslar uchun katta istiqbollarni ko‘ryapman», — dedi doktor Nadeem Raxmon.

Doktor Raxmonning tashrifi “EZGU NIYAT” klinikasi hayotida muhim voqea bo‘ldi va xalqaro hamkorlik, ilmiy aloqalar hamda ilg‘or jahon tajribasini joriy etish uchun yangi yo‘llarni ochdi.

“EZGU NIYAT” klinikasi xalqaro aloqalarni kengaytirish, tibbiy xizmat sifatini yanada oshirish va mutaxassislar salohiyatini rivojlantirish yo‘nalishida o‘z faoliyatini davom ettiradi. Asosiy maqsad — har bir bemor uchun sifatli va ommabop tibbiy xizmat ko‘rsatishdan iborat.

Qayd etish lozimki, joriy yil sentyabr’ oyi boshlarida “EZGU NIYAT” klinikasining kardioxirurgiya bo‘limi rahbari Rustamov Baxt Yerashimovich AQShning Klivlend shahrida bo‘lib o‘tgan nufuzli xalqaro anjuman — INAUGURAL CLEVELAND AORTIC SYMPOSIUM: “The Root, The Arch, The Works” tadbirida ishtirok etgan edi. Ana shu anjumanda u doktor Nadeem Raxmon bilan tanishib, uni O‘zbekistonga tashrif buyurishga taklif etgan edi.